പ്രവീണിന്റെ ക്യാമറയില് എടുത്തവ
http://www.flickr.com/photos/pravi/sets/72157606670897501/
ആഷിക്കിന്റെ ക്യാമറയില് എടുത്തവ
http://picasaweb.google.com/AashikS/KDE41MLReleasePartyAPhotoReport?authkey=aR5eHB-v7XY
http://picasaweb.google.com/AashikS/SMCMeetAug102008?authkey=VVTQnznrbHk
കെഡിഇ 4.1 റിലീസ് പാര്ട്ടി തിരുവനന്തപുരത്തു് ഓഗസ്റ്റ് 9, 10 തിയതികളില്
കെഡിഇ പണിയിടത്തില് മലയാളം ഔദ്യോഗിക ഭാഷയായതിന്റെ സന്തോഷം പങ്കുവെയ്ക്കാന് സ്വതന്ത്ര മലയാളം കമ്പ്യൂട്ടിങ്ങ് തിരുവനന്തപുരത്തു് കെഡിഇ റിലീസ് പാര്ട്ടി സംഘടിപ്പിക്കുന്നു. സ്വതന്ത്ര മലയാളം കമ്പ്യൂട്ടിങ്ങും ilug-tvm-ഉം zyxware എന്ന സ്വതന്ത്ര സോഫ്റ്റ്വെയര് അധിഷ്ഠിത കമ്പ്യൂട്ടര് സ്ഥാപനവും സംയുക്തമായാണു് പരിപാടി സംഘടിപ്പിക്കുന്നതു്. പരിപാടിയോടനുബന്ധിച്ചുള്ള പൊതുസമ്മേളനം തിരുവനന്തപുരം പ്രസ്സ് ക്ലബ് 4th എസ്റ്റേറ്റ് ഹാളില് നടക്കും. സമ്മേളനത്തില് പ്ലാനിങ്ങ് കമ്മീഷന് സെക്രട്ടറി ശ്രീ ടിക്കാറാം മീണ മുഖ്യാഥിതിയായിരിക്കും. സ്വതന്ത്ര മലയാളം കമ്പ്യൂട്ടിങ്ങിനെ പരിചയപ്പെടുത്തലും കെഡിഇ മലയാളം പണിയിടത്തിന്റെ അവതരണവും ഉണ്ടായിരിക്കും.
പൊതുസമ്മേളനത്തിനു് ശേഷം ഹോട്ടല് ഇന്ദ്രപുരിയില് വെച്ചു് എസ്എംസി സൌഹൃദസംഗമവും നടക്കും. 10-നു് നിലവിലുള്ള മലയാളം കമ്പ്യൂട്ടിങ്ങ് പ്രശ്നങ്ങളെ പറ്റിയും പുതിയ സാധ്യതകളെപറ്റിയുമുള്ള ചര്ച്ചയാണു് ഉദ്ദേശിക്കുന്നതു്.
എല്ലാ നല്ലവരായ സുഹൃത്തുക്കളേയും പ്രസ്തുത പരിപാടിയിലേക്കു് സ്വാഗതം ചെയ്യുന്നു
10 ദിനരാത്രങ്ങള്, 18000-ത്തില് പരം വാക്കുകള്, മുപ്പതില് പരം വ്യക്തികള് (സമൂഹത്തിന്റെ വിവിധമേഖലകളില് നിന്നുള്ളവര്, ലോകത്തിന്റെ പലഭാഗങ്ങളില് ജോലി നോക്കുന്നവര്, വിദ്ധ്യാര്ത്ഥികള് മുതല് കര്ഷകന് വരെ). സ്വതന്ത്ര മലയാളം കമ്പ്യൂട്ടിങ്ങ് എന്ന കൂട്ടായ്മയുടെ മറ്റൊരു സുപ്രധാന നേട്ടം ആയി ഈ വിജയം.
സ്വതന്ത്ര പണിയിടമായ കെഡിഇ 4.1 ല് മലയാളം എത്തിക്കാനുള്ള പരിശ്രമം ശരിക്കും ഒരു വെല്ലുവിളി തന്നെയായിരുന്നു. അതുകൊണ്ടു് തന്നെ ആ വിജയം വിലമതിക്കാനാവത്തതും. കെഡിഇ ഔദ്യോഗികമായി പിന്തുണയ്ക്കുന്ന ലോകഭാഷകളില് ഒന്നാണിപ്പോള് മലയാളം. കുറെ നാളുകളായി എസ് എം സി മെയിലിങ്ങ് ലിസ്റ്റും ഐആര്സി ചാനലും സജീവമായിരുന്നു. തര്ജ്ജമയും തര്ജ്ജമ തീര്ന്ന ഫയലുകളുടെ പരിശോധനയും പൊടിപൊടിക്കുകയായിരുന്നു. കൂട്ടിനു് രാജീവ് തയ്യാറാക്കിയ മണ്ടൂസ് എന്ന ഐആര്സി ബോട്ടും. പഴയതര്ജ്ജമകള് ഓര്ത്തുവെച്ചു് ആവശ്യക്കാരെ സഹായിക്കുന്ന മണ്ടൂസ് ആണു് കാര്യങ്ങള് ഒന്നുകൂടെ ഉഷാറാക്കിയതു്.
10 ദിവസം കൊണ്ടു് kdeessentials എന്ന പാക്കേജ് 100 ശതമാനം തികച്ചാണു് മലയാളം ഔദ്യോഗിക ലിസ്റ്റില് സ്ഥാനം നേടിയതു്. ഈസുപ്രധാന നേട്ടം കൈവരിക്കാന് പരിശ്രമിച്ച എല്ലാവര്ക്കും ആശംസകള്. ആഷിക് സലാഹുദ്ദീന് തയ്യാറാക്കിയ കെഡിഇ 4.1 ന്റെ മലയാളത്തിലുള്ള പ്രസാധകക്കുറിപ്പു് ഇവിടെ
http://www.kde.org/announcements/4.1/index-ml.php
